دوبلینی سێ ڕێککارییەکە لەلایەن یەکێتی ئەوروپاوە دامەزراوە، بۆ ئەوەی بڕیار بدەن لەسەر ئەوەی کام وڵات بەرپرسیارە لە داوای مافی پەنابەریەکەت. ئەگەر تۆ وەک هاوڵاتیەکی نائەوروپی، بگەیتە یەکێتی ئەوروپا و داوای مافی پەنابەرێتی بکەی، ئەوە لە ڕێسای دوبلین 3 بەکاردێت بۆ بڕیاردان لەسەر ئەوەی کە داوای مافی پەنابەریت بۆ چ وڵاتێک وەردەگرێتەوە (ئەمە هەمیشە مانای نییە ئەو وڵاتە بێت کە پێی گەیشتوویت). دوبلینی سێ هەم دەربارەی خودی پرۆسەی پەنابەریش نییە، بەڵکو تەنها دەربارەی ئەوەیە کە کام وڵات بڕیارێک دەدات لەسەر داوای مافی پەنابەرێتت.

ئەو وڵاتانەی بەشێکن لە رێکخستنی دوبلینی سێ ئەمانەن: نەمسا، بەلجیکا، بولگاریا، کرواتیا، قوبرس، کۆماری چیک، دانمارک، ئیستۆنیا، فینلاند، فەرەنسا، ئەڵمانیا، یۆنان، هەنگاریا، ئایسلەندا، ئیرلەندا، ئیتالیا، لاتڤیا، لیتوانیا، لیکتنشتاین، لوکسمبورگ، ماڵتا، هۆڵەندا، نەرویج، پۆڵەندا، پورتوگال، ڕۆمانیا، سلۆڤاکیا، ئیسپانیا، سوید، سویسرا.

بریتانیا لە 01 / 01 / 2021 یەکێتی ئەوروپای جێهێشت و بەو هۆیەشە کە چی تر بەشێک نییە لە ڕێسای دبلن. یەکگرتنەوەی خێزان بۆ بەریتانیا تەنها لە ڕێگەی ڤیزای نەتەوەییەوە دەبێت، بەڵام لەوە زیاتر لە ڕێگەی رێساکانی دبلن نابێت.

ئەگەر یەکێک یان چەند ئەندامێکی خێزانەکەت یەکەم جار چوونە وڵاتێکی دوبلین (سەیری لیستی سەرەوە بکەن) و ئەندامانی دیکەی خێزان دواتر گەیشتنە وڵاتێکی دیکەی دوبلین، تۆ ئەگەری ئەوەت هەیە بپرسیت کە ئایا بپشکنی داوای مافی پەنابەریت دەکرێت بۆ بکرێت لەو وڵاتەی کە ئەندامی خێزانەکەتی لێیە. ئەگەر یەکخستنەوەی خێزانی پەسەند کرا، دەگوازرێنەوە بۆ ئەو وڵاتەی کە ئەندامی خێزانەکەتی لێیە و لەوێ بەردەوام دەبیت لە کەیسی پەنابەریەکەت.

ئەمەش تەنیا بۆ وڵاتانی دوبلین دەکرێت ( بۆیە ناکرێت داوای یەکخستنەوەی خێزانی لەژێر سایەی دبلن سێیەم دا بکرێت لە وڵاتانی وەک تورکیا ، مەقدۆنیای باکوور ، سربیا ، ئەمریکا یان کەنەدا )

یەکگرتنەوەی دەبلنی سێ بو کێ دەکرێت؟

هەموو پەناخوازانێک کە ئەندامانی خێزانی نزیک لە وڵاتێکی دیکەی دوبلین یان هەیە، دەتوانن یەکبگرن. بە شێوەیەکی ئاسایی ئەندامی خێزانەکەت دەبێت پێشتر داوای مافی پەنابەریی (دۆخی پەنابەریی فەرمی) یان باری پەنابەرییان پێ ببەخشرێت یان پارێزگاری لاوەکیان هەبێت.

ئەندامانی خێزان ئەمانەن:

• هاوسەرەکەت
• منداڵەکانت ئەگەر لە خوار 18 ساڵەوە بن
• ئەگەر زاروکێکی بێ سەروبەر بی و تەمەن ژێر 18 ساڵ بیت: باوک و برا، خوشک، پور، خاڵ یان باپیرە گەورە.

بەڵێ، دەتوانیت داوا بکەیت کە لەگەڵ دایک، باوک، منداڵ، برا یان خوشکەکەت یەکبخەیت ئەگەر هەموو ئەم مەرجانەی خوارەوە جێبەجێ کرا:

• ئەو کەسەی تر بە شێوەیەکی یاسایی نیشتەجێیە (مافی پەنابەری یان پاراستنی لاوەکی هەیە، پەناخوازە، هاوڵاتیە یان هەر جۆرە مۆڵەتی نیشتەجێبوونی هەیە) لە یەکێک لە وڵاتانی دبلن.

• یەکێکتان دووگیانە، منداڵێکی تازە لەدایک بووە، بە جدی نەخۆشە، کەمئەندامییەکی سەختی هەیە، یان بەساڵاچوانە.

• یەکێکتان پشت بە یارمەتی ئەوی تر دەبەستێت، کە دەتوانێت ئاگای لەو بێت.

دەبێت تۆ بتوانیت بیسەلمێنیت کە پەیوەندی خێزانیت پێشتر لە وڵاتی بنەڕەتتدا هەبووە. هەردووکتان دەبێت ئاواتی خۆتان دەرببڕن کە بە نووسین بۆ دەسەڵاتدارانی بەرپرس لەو وڵاتەی کە ئێوە تێیدان یەکبن. ئەگەر دەتەوێت داوا بکەیت لەبەر پشت بەستن بە تەندروستی، پێویستە بەڵگەی پزیشکیت هەبێت بۆ ئەمە، باشترە بەلگەنامانەی نەخۆشخانە بێت. ئەگەر دەتوانیت پشت بەستن بسەلمێنیت بەڵام ڕێگەت پێنەدراوە لەلایەن خزمەتگوزاری پەنابەریەوە داوای یەکخستنەوەی خێزان بکەیت، دەتوانیت داوای ئامۆژگاری یاسایی بکەیت لە پارێزەر.

• دەبێت ئەندامی خێزانەکەت لە وڵاتی دوبلینی تر وەک پەناخواز تۆمار بکرێت یان پێشتر باری پەنابەرییان پێ دراوە یان پارێزگاری لاوەکی. (ئەگەر یەکخستنەوەی خێزانەکەت لەسەر بنەمای پشت پێبەستن بێت - وەک لە پەرەگرافەکەی پێشدا ڕوون کراوە - ئەندامی خێزانەکەت دەبێت بە شێوەیەکی یاسایی ئامادە بێت لەو وڵاتەی کە تێیدایە.)

• بە دەسەڵات بڵێ بە زووترین کات کە دەتەوێت داوای یەکگرتنەوەی خێزان بکەیت. یەکەم هەنگاو بۆ تۆ ئەوەیە کە مەوعیدێکت دەست بکەوێ لەگەڵ خزمەتگوزاری پەنابەری و پێیان بڵێ کە تۆ ئەندامێکی خێزانت هەیە کە دەتەوێت لەگەڵی بی. بۆ ئەم مەوعیدە هەموو دۆکیومێنتەکان بیهێنە کە دەبێت بۆ سەلماندنی ناسنامەکەت، ناسنامەی ئەندامی خێزانەکەت و پەیوەندی خێزانەکەت (سەیری پاراگرافی دواتر بکە).

• هەموو ئەو بەڵگەو دۆکیومێنتانەی کە دەتوانن خۆتانی پێ بناسێنەوە: هەمیشە کارتی پەناخوازان و یاداشتی پۆلیسەکەت ("خەرتی") بهێنە، و ئەگەر هاتوو پاسپۆرت/یان ناسنامەکەت هەیە، بیهێنە

• کۆپیەکانی بەڵگەنامەکانی ئێستای ئەندامی خێزانەکەت لە وڵاتی دبلنەکەی تر؛ کارتی پەنابەرییان، مۆڵەتی نیشتەجێبوون، پاسپۆرتی پەنابەر یان هەر بەڵگەنامەیەکی تر (ئەوانەی کە ناوی تەواو، بەرواری لەدایکبوون و ناونیشانی ئێستایان پیشان دەدات)

• پەڕتووکی خێزانەکەت، بڕوانامەی هاوسەرگیری، بڕوانامەی لەدایکبوون یان هەر بەلگەنامەیەکی تر لە وڵاتی سەرەکی خۆتەوە

• ئەگەر بەڵگەنامەی سەلماندنی پەیوەندی خێزانیت نییە، دەتوانیت بەڵگەی (دەلیلەکەت) وەک وێنەی خێزان، نامە یان تەنانەت لێدوانی شایەتی پارێزەران یان کارکەرانی کۆمەڵایەتیت بۆ بسەلمێنیت (بۆ نموونە لەبەرئەوەی ئەوان شاهیدی پەیوەندی تەلەفۆنی بوون لە نێوان تۆ و ئەندامانی خێزانەکەت)

• هەر داتایەکی پەیوەندی خزمو کەسی خۆت و پارێزەرەکانی یان لایەنگرانی تر

• بە شێوەیەکی ئاسایی پێویستیت بە نامەی واژۆکراو هەیە بۆ ڕەزامەندی ئەندامانی خێزانەکەت کە بڵێت ئەوان ڕازین بە یەکخستنەوەی خێزان . لەوانەیە خزمەتگوزاری پەنابەری خشتەیەکت بۆ دابین بکات بۆ ئەو نامەی ڕازیبوون.

الحد الاقصى للم الشمل عبر دبلن 3 بناء على تصريح القانون هو 11 شهرا (منزۆرترین کات بۆ هەموو ڕێکاری دبلن کە بەپێی یاسا دانراوە 11 مانگە (لە ساتی دیاری کردنت لە خزمەتی پەناهەندەیی هەتا ڕێگەت پێ بدرێ بۆ گەشتکردن بۆ وڵاتی دبلنی تر). بەڵام هەمیشە پشت بە باری تاکەکەسی دەبەستێت ، کە درێژە بەو ڕێوشوێنە بدات . هەندێک جار لەوانەیە خێراتر بێت لە زۆرترین چوارچێوەی کات. بەڵام ئەگەری ئەوەش هەیە بەهۆی ئاڵۆزییەکان لەکاتی ئەو رێکاریەکە زیاتر لە 11 مانگیش بخایەنێت.

ئەگەر یەکخستنەوەی خێزان پەسەند بکرێت، ئەمە مانای ئەوە نییە کە تۆ مافی پەنابەریت لە وڵاتی دبلنەکەی تر پێدراوە. واتە ئەو وڵاتەی کە تۆ دەچیتە ئەوێ داوای پەنابەریت دەست بەسەر دا ئەگرێت و لەوێ دەیخەملێنی(دەست بە رێکارەکانی خوت هی پەنابەری لەوێ دەکەیت).

بعد أن تحصل على رد إيجابي من بلد الدبلن الآخر و يتم الموافقة على أخذدوای ئەوەی بڕیارێکی ئەرێنیتان لە وڵاتی دبلن-ی دیکە وەرگرت کە داوای مافی پەنابەریتان قبوڵ کرد، یۆنان 6 مانگ کاتی هەیە بۆ ئەوەی ئێوە بنێرێتە ئەوێ. ناتوانیت تەنها بلیتەکەت بە تەنها بکڕیت دوای ئەوەی بەڵگەنامەی پەسەندکردنەکەت لە یۆنان دارا دەبێت چاوەڕێ بیت تا پەیوەندیت لە خزمەتگوزاری پەناهیەوە پێ دەکرێت، کە بلیتەکەت ئێستا ئامادەیە بۆ ئەوەی بکڕیت یان نا. لەوانەیە چەند مانگێک بخایەنێت تا ئەم پەیوەندیەت پێئەکرێت لە ئێستادا دەوڵەتی یۆنان پارەی هەموو گواستنەوەی یەکگرتنەوە خێزانیەکان دەدات.

حسب القانون هذا الشيء ممكن أن يحصل في حال قد قدم فرد عائلتك الموجودبەپێی یاسا دەکرێت، ئەگەر ئەندامی خێزانەکەت لە وڵاتی تر داوای مافی پەنابەری کرد دواتر تو لە یۆنان. بەڵام تا ئێستا تیمی زانیاری مۆبایل هیچ خێزانێکیان یەکیان نەگرتوە بۆ یۆنان لە وڵاتێکی تری دوبلینەوە.

بەڵێ، هەروەها دەکرێت لە باڵیۆزخانەی ئەو وڵاتەی کە ئەندامی خێزانەکەتی لێیە، داوای ڤیزا بۆ یەکگرتنەوەی خێزان بکرێت.

ئەوەی پێویستە بزانیت، ئەگەر دەتەوێت داوا بکەیت بۆ یەکخستنەوەی خێزان لە ڕێگەی ئەم "رێکاری باڵوێزخانە":

• پێویستە ئەندامی خێزانەکەت مافی پەنابەرێتی هەبێت (مۆڵەتی نیشتەجێبوون هەبێت، بۆ هەندێک وڵات ئەندامی خێزانت پێویستی بە پێدانی باری پەنابەری هەیە).

• نزیکەی هەمیشە پێویستە پاسپۆرتێکی دروست هەبێت (کارتی ناسنامە بەشێوەیەکی ئاسایی لە پێویستدا نییە).

• ڕێکاری دەقاودەق جیاوازە بەپێی ئەو وڵاتەی کە دەتەوێت بۆی بڕۆیت، بەڵام بە زۆری (بە بەراورد لەگەڵ ڕێکاری دوبلین III) داوای زیاتر بەڵگەنامەی فەرمی دەکرێت بۆ سەلماندنی پەیوەندی خێزانییەکەت (وەک بڕوانامەی لەدایکبوون، بڕوانامەی هاوسەرگیری، هتد).

• پێویستە هەموو نرخەکان لەسەر حسابی توبن.

• دەتوانیت لە هەموو وڵاتێکەوە داوای ئەو ڕێوشوێنە بکەیت، هەروەها لە وڵاتانی نا-دوبلین یان وڵاتانی دەرەوەی ئەوروپا.

• لەوانەیە کردارەکە خێراتر بێت لە رێکاری دبلن.

ئەگەر دەتەوێت زانیاری زیاترت هەبێت دەربارەی پڕۆسەکە لە ڕێگەی باڵیۆزخانەوە، تکایە پەیوەندی بکە بە رێکخراوە نا حکومیەکان یان تیمی زانیاری مۆبایل (MIT).